Bismotunet

Bismotunet er eit døgnbemanna bufellesskap for personar med funksjonsnedsetjing. Her har vi fem leilegheiter og tre avlastningsplassar.

Bebuarane er vaksne som bur i heildøgns omsorgsbustader, med tett oppfølging basert på målretta miljøarbeid. Arbeidsoppgåver og grad av hjelp blir tilpassa den enkelte sitt funksjonsnivå.

Bismotunet er eit moderne og godt tilrettelagt bufellesskap. Vi nyttar meistringsteknologi som RoomMate, digital dagsplanleggjar (IBG) og kameraovervaking.

Det er tett samarbeid med arbeidstilbod og skule, og personalet følgjer opp aktivitetar på dagtid.

Personalgruppa er tverrfagleg samansett med helsefagarbeidarar, aktivitørar, ergoterapeut, vernepleiar, pedagogar og sosionom.

Vi tek imot elevar, lærlingar og studentar innan helse- og sosialfag, og legg til rette for eit trygt, lærerikt og meiningsfullt praksisopphald.

I bufellesskapet vårt møter du tilsette med variert kompetanse og erfaring. Du vil få innblikk i korleis vi arbeider for å gi individuell støtte og oppfølging til menneske med ulike behov, med fokus på meistring, sjølvstende og deltaking i kvardagslivet.

Som elev, lærling eller student vil du få erfaring med målretta miljøarbeid, kommunikasjon, relasjonsbygging og samarbeid med pårørande og andre tenester. Vi legg vekt på god rettleiing og oppfølging gjennom praksisperioden, slik at du kan utvikle både fagleg kompetanse og tryggleik i rolla di.

Hjå oss er brukarane si medverknad, verdigheit og livskvalitet sentrale verdiar. Du vil derfor få innsikt i korleis vi arbeider for å skape ein meiningsfull kvardag gjennom aktivitetar, fellesskap og individuelt tilpassa støtte.

Vi samarbeider tett med andre faggrupper og tenester i kommunen, noko som gir gode moglegheiter til å sjå heilskapen i helse- og omsorgsarbeidet og korleis ulike fagmiljø saman bidreg til gode tenester.

Gjennom praksis hjå oss får du verdifull erfaring frå eit inkluderande og fagleg engasjert arbeidsmiljø, der målet er å gi brukarane best mogleg støtte til å leve eit godt liv.

Mat

• Vi har ikkje kantine, men du kan kjøpe deg mat og ete saman med bebuarane som del av eit trivselstiltak på ettermiddag og helg.

Arbeidstid

•  Tredelt turnus med langvakter både i vekedagar og helgar.

Arbeidstøy

• Privat arbeidstøy, med moglegheit for å bruke arbeidstøy ved behov.

Kontaktinformasjon

• Adresse: Skamsarvegen 24, 2690 Skjåk
• Avdelingsleiar: 453 43 953
• Tenesteleiar: 959 82 598