Heimetenesta

Heimetenesta held til i underetasjen på Vågåheimen, midt i Vågå sentrum. Heimetenesta omfattar heimesjukepleie, praktisk og personleg bistand, som mellom anna heimehjelp, brukarstyrt personleg assistanse (BPA), personleg assistanse (PA) og støttekontakt.

Vi har òg dagtilbod for heimebuande personar med demens utanfor institusjon.

Vi kan ta imot deg som er elev, lærling eller student innan helse- og sosialfagleg utdanning.

I heimetenesta vil du møte tilsette med ulik kompetanse, som sosionom, helsefagarbeidarar og sjukepleiarar med og utan vidareutdanning. Vi har sjukepleiarar med eigne ansvarsområde, der dei har avsett tid på eigne dagar til mellom anna kreft, palliasjon og sårbehandling.

Du vil òg kunne møte koordinator for velferdsteknologi. I Vågå kommune er det stort fokus på teknologiske hjelpemiddel, som til dømes digitale tryggleiksalarmar, GPS, medisindispenserar og Komp. Dette er hjelpemiddel som kan bidra til at den enkelte kan bu heime lengst mogleg.

Vi nyttar òg videokonsultasjonar, då det er lang reiseveg til sjukehus og spesialisthelsetenesta.

Vi har tett tverrfagleg samarbeid med fleire profesjonar, som mellom anna fysio- og ergoterapeutar, rus og psykiatri (ROP), tildelingseining, apotek/farmasøyt, legesenter, legevakt, Vågåheimen og sjukehus.

Vi har eigen avdelingssjukepleiar som koordinerer drifta, og fagsjukepleiar som arbeider med fag og kompetanseheving.

Arbeidstøy:
Vi nyttar kommunale arbeidsklede, som består av kittel og bukser. Dersom det er kaldt, bør du ha ha privat ull/superundertøy under. Ta med deg gode sko, som joggesko og ei jakke som du bruker på vakt.

Mat:
Det er kantine på Vågåheimen som alle kan nytte seg av.

Arbeidstid:

• Vaktene er fordelt på dag- og kveldsvakt.
• Dagvakt 07:30-15:00. Aftenvakt 14:45-22:00. (Det er eigne nattevakter som samarbeider med Vågåheimen 21.45-07.45).
• Du må møte ferdig skifta og klar på vaktrommet innan vakta byrjar.

Kontaktinformasjon:

• Adresse: Moavegen 11B, 2680 Vågå
• Telefon: 970 52 651 (vakt telefon)

Du er velkommen til å ta kontakt!