Psykisk helse og rus

Psykisk helse- og rusteneste er eit lågterskeltilbod. Det er ikkje krav om tilvising frå lege for å ta kontakt. Inntaksvurdering vert gjennomført éin gong i veka i samarbeid med kommunepsykologen i Øvre Valdres.

Tenesta gir hjelp og bistand til menneske i kriser eller vanskelege livssituasjonar, menneske med milde eller moderate psykiske utfordringar eller lidingar, og menneske med rusrelaterte problemstillingar.

Målet med tenesta er å fremje god psykisk helse, førebyggje og redusere problemutvikling, samt styrkje meistring av eige liv.

Tenesta kan tilby:

• Individuelle samtalar
• Gruppebehandling
• Nettverksmøte
• Tverrfagleg samarbeid
• Samarbeidsmøte og koordinering av individuell plan
• Førebyggjande og opplysande tenester
• Rettleiing til menneske i alle aldersgrupper, pårørande og samarbeidande tenester i kommunen

Som elev, lærling eller student hos oss får du erfaring med relasjonsarbeid, samtaleteknikk, vurdering av psykisk helse og tverrfagleg samarbeid.

Tenesta samarbeider med andre tenester i kommunen om praksisplassar. Det inneber at du kan ha praksis både i psykisk helse- og rusteneste og i andre tenester som følgjer opp personar med behov for bistand innan psykisk helse, til dømes individuelt tilrettelagde tenester.

• Vi held til i bankbygget i Slidre.
• Vi brukar privattøy.
• Arbeidstida er frå 08.00 til 15.30.

Første dag i praksis

• Første dagen i praksis vert du møtt av rettleiaren din og får ei kort innføring i arbeidsoppgåver og rutinar.