Tilrettelagde tenester

Tilrettelagde tenester ( TLT) gir støtte til brukarar med ulike behov for bistand. Individuell tilpassing med fagleg fokus står sentralt. Vi legg stor vekt på tilrettelegging og personleg tilpassing, slik at brukaren opplever meistring og god livskvalitet i kvardagen. For oss handlar dette mellom anna om å gi personar med utviklingshemming større kontroll over faktorar som påverkar eige liv og helse, gjennom beslutningsstøtte og myndiggjering.

Tenesta er ambulerande og har to hovudbasar: Krokamyre og Kroken, med eiga treningsbustad og eit arbeids-/dagsenter for brukarane våre.

Eggjalia er eit arbeidssenter for personar med ulike funksjonsnedsettingar. Her legg vi stor vekt på trivsel, sosialt fellesskap og eigenutvikling. Vi arbeider med ulik produksjon og pakking/emballering, og utfører oppdrag for både offentlege og private bedrifter.

Vi kan ta imot deg som er elev, lærling eller student innan helse- og sosialfagleg utdanning. Det varierer til ein kvar tid kor mange elevar og studentar tenesta kan ha, dette for å sikre at du får ein best mogleg praksis hjå oss.

I TLT vil du møte eit levande fagmiljø med engasjerte og dyktige tilsette. Vi tilbyr ein interessant og utfordrande praksis med varierte arbeidsoppgåver. Dei vil vere knytt til tiltak kring den enkelte brukar, der du vil få eiga opplæring. 

Tenesta legg opp til individuell tilrettelegging, og sørgjer for at kvar brukar har ein trygg og føreseieleg kvardag med størst mogleg grad av sjølvstende og meistring av eige liv. I tillegg fylgjer vi opp fritidsaktivitetar ut frå interesser og funksjonsnivå, samt tilbyr tilrettelagt arbeid og aktivitet.

Arbeidstid:
Tilsette i tilrettelagde tenester arbeider i tredelt turnus.
Arbeidssenteret er ope på dagtid, tre dagar i uka.

Arbeidstøy:
I denne tenesta bruker vi privat tøy.

Mat:
Det er kantine i 2. etasje på Lom helseheim, der du kan kjøpe deg lunsj om du ynskjer.

Kontaktinformasjon:

• Adresse Tilrettelagde tenester: Krokamyrveen 12, 2686 Lom
• Adresse Lom Arbeidssenter Eggjalia: Gamelvegen 1, 2686 Lom
• Krokamyre: 9172 74 30 (Avd.Telefon)
• Kroken: 47 48 26 67 (Avd. Telefon)
• Avdelingsleiar tilrettelagte tjenester: 474 53 241