Vestre Slidre helsetun

Vestre Slidre helsetun har 20 institusjonsplassar fordelte på tre avdelingar. Desse omfattar korttidsplassar, langtidsplassar, rehabiliteringsplassar og avlastingsplassar. I tillegg har helsetunet heildøgnsbemanna omsorgsbustader med 12 plassar, fordelte på to avdelingar, for menneske med kognitiv svikt og/eller alderspsykiatriske utfordringar.

Hos oss vil du mellom anna møte menneske med demens, alderspsykiatriske lidingar, somatiske sjukdomar og personar som er til opptrening og rehabilitering. I tillegg til å lære om sjukdomar hos eldre vil du òg få opplæring i sårstell, injeksjonar, hygieniske prinsipp, ernæring for eldre, legemiddel og legemiddelhandtering. Vi nyttar også velferdsteknologi på helsetunet.

I praksis har du ein plan for kva du ynskjer å lære medan du er hos oss. Denne kan du og rettleiaren din gå gjennom saman, og rettleiaren kan velje ut pasientar som er relevante i høve til det du ynskjer å lære meir om.

Vi forventar at du møter presis på jobb, er læreviljug og bidreg aktivt til eiga læring. Dersom du blir sjuk, må du ringje avdelinga og gi beskjed.

• Helsetunet ligg sentralt i omsorgstunet, nær Slidre sentrum.
• Arbeidsklede får du låne hos oss, men det er lurt å ta med gode sko.
• Det er mogleg å kjøpe mat i kantina på helsetunet.
• Telefonnummer til helsetunet: 61 34 36 60.

Fyrste dag i praksis

• Fyrste dag i praksis møter du opp ved hovudinngangen. Der vil du bli teken imot av hovudrettleiar eller avdelingsleiar.
• Du vil på førehand få informasjon om når og kvar du skal møte, og kven som tek imot deg.